Gidala sa Bukidnon Provincial Hospital sa lungsod sa Manolo Fortich, Bukidnon ang duha ka mga biktima sa pagpanigbas nga nahitabo sa Brgy. Laturan, lungsod sa Libona, Bukidnon.
Naila ang mga biktima nga sila si Cirelo Niedo*, *56 anyos, laborer, minyo ug lumulupyo sa nasangpit nga dapit, kinsa nakaangkon ug samad tinigbasan sa may walang bahin sa lio samtang ang laing biktima nailang si Josito Edralin*, *usa ka senior citizen nga susamang nagpuyo sa dapit nga naka-angkon ug samad tinigbasan sa walang bahin sa iyang dagway ginamit ang mahait nga sundang.
Samtang boluntaryo nga nisurender ngadto sa barangay kapitan ang suspek sa pagpanigbas nga si Nilo Piquero, 54 anyos ug lumulupyo sa nahisgutang lugar.
Nasayran nga ilawom sa impluwensiya sa ilimnong makahubog ug ang wala nga pagsinabtanay ang motibo sa maong pagpanigbas.
Sa karon anaa sa Libona MPS ang suspetsado alang sa tukmang disposasyon, nasayran nga naka-angkon usab kini ug samad tinigbasan sa luyong bahin sa iyang ulo. (Rino Taguibulusan)
