Boracay Island — Arestado rong sangka ladyboy sa isla it Boracay matapos nga madakpang naga baligya it illegal nga droga kabii sa Sitio Bantud, Brgy. Manocmanoc, Boracay.
Nakilaea rong suspek kay Freddie Sapico alyas “Andrea Sapico” ag taga Poblacion, New Washington.
Naaresto si Sapico sa ginpatigayon nga buy-bust operation ko mga taga PDEU sa anang boarding sa nasambit nga lugar kung sa siin nahabakean imaw it sangka plastic sachet it ginapatihan shabu kabaylo it 1,000 pesos nga buy-bust money.
Samtang sa ginpatigayon nga body search sa suspek nabuoe pa gid kana ro daywa ka mga sachet it ginapatihan sa gihapon nga shabu ag sangka cellphone nga may mga drug transactions.
Magapangatubang man it kasong pagbayolar sa R.A. 9165 ukon Comprehensive Dangerous Drugs Act of 2002 si Sapico.
