General Santos City–Anaa sa unom ka pasyente ang ana karon sa Dr. Jorge P Royeca Hospital human makitaan ug sintomas sa covid-19. Apan giklaro ni Dr. Ryan Aplicador, Hospital Chief nga duha sa maong ihap ang positbo sa covid-19, duha ang pending samtang negatibo ang resulta sa laing duha.
Sa karon, nagpabiling mild ang sintomas sa duha nga positibo samtang ang duha nga naunang nagnegatibo ang gibutang na sa step down facility.
Samtang ang pending mao ang usa ka LSI ingon man ang usa ka 71 anyos nga taga Brgy. Labangal nga walay travel history apan nagpositbo sa gihimong rapid test.
Dugang pamahayag ni Dr. Aplicador nga dili grabe ang kondisyon sa duha nga nagpositibo ug siya nanghinaut nga magpadayong stable ang ilahang kondisyon.
Gani sa karon, wala patud pa sila naga-dextrose ug wala usab bisan unsang himan ang nakabutang sa ilahang lawas ug ginahulat nalang ang laing 14 ka-adlaw aron nga subli silang ipilalom sa swab test.
Samtang ang usa nga 22 anyos nga naunang nagpositbo ang ginahulat nalang nga matapos ang 14 niini kaadlaw human ang ika-tulong swab test ug higayon nga magnegatibo na, tugutan na kining makapa-uli sa ilahang panimalay.(LVR)
