Laing biktima sa pagpang-scam ang midool sa DXCC RMN aron mangayo’g tabang human sila maka-invest og kwarta ug gipasaligan nga mahatag ang 50 percent nga tubo matag napulo ka adlaw.
Saysay sa usa mga biktima nga si Mr. Oscar Pilicano nga una niyang nakita ang post sa FB sa usa ka Janice Camos kinsa nanag-iya sa Fil-Nice boutique nga nahimutang sa Rizal-Gomez St. ning siyudad ug didto nagka-interes kining mo-invest sa kantidad nga 10 mil pesos.
Natingala na lang kini nga miabot na sa usa ka bulan apan wala pa siya makadawat sa tubo sa iyang kwarta nga gi-invest.
Nasayran usab niini nga dili lang siya ang nabiktima ni Camos apan lakip na ang taga Misamis Oriental ug Bukidnon.
Alayon niini, nagkasinabot si Pilicano ug uban pang mga biktima nga manumbong sa NBI aron masulbad ang maong problema.
