Ang Philippine Atmospheric, Geophysical and Astronomical Services Administration kun Pagasa nianunsyo sa publiko sa ilang regional weather forecast karong adlawa hangtud alas sais karong gabie.
Ang pagbana-bana sa Pagasa nga ang Probinsiya sa Cebu ug ubang dapit sa Visayas, Palawan ug Occidental Mindoro makasinati og panagsang mapanganuron ngadto sa madag-umon nga kalangitan inubanan sa pat-ak pat-ak nga pag-ulan pagpanugdog ug kilat.
Kasarangan ngadto sa panagsang kusog nga paghuros sa hangin gikan sa Silangan ngadto sa Amihanang-Silangan ang magpasulabi sa Silangan nga bahin sa Visayas diin ang kadagatan kasarangan ngadto sa panagsang baluron.
Hinay ngadto sa kasarangan nga hangin nga nagagikan sa Silangan ngadto sa Amihang-Silangan ang mopasulabi sa nahibilin nga bahin sa Visayas, Palawan ug Occidental Mindoro ug ang kadagatan malinawon ngadto sa kasarangan ang pagbalud.
Safe ra nga mobyahe ug molaag karong adlawa. Amping, iDOL!
