Kasado eon rong “Lakbay Alalay” Program it Department of Public Works and Highways (DPWH) para sa maabot nga kaeag-kaeag.
Maga umpisa sa “Lakbay Alalay” it ahensya hin-aga, Oktubre 31, 2019 nga magabuhay hasta sa Lunes Nobyembre 4.
Ginmanduan ni Secretary Mark Villar, ro tanan nga regional ag district engineering offices it DPWH sa nasyon nga magbilog it teams nga bilog nga adlaw nga magatutok sa mga national highways nga paadto sa mga simbahan ag sementeryo.
Sambilog sa mga pagatutokan it “Lakbay Alalay” Program hay rong pagtao it ayuda sa mga motorist, partikular ro madasig nga pagresponde sa mga nasamaran nga saeakyan.
Kaibahan man rong pagtao it insigida nga bulig kapareho ko first aid kung may mga emergency situation ag pag-asiste sa mga motorist nga bukon it kabisado rong daean paadto sa andang gina adtunan.
Bag-o pa man mag-abot rong kaeag-kaeag hay nagpaeapta eon rong DPWH it andang mga tawohan ag maintenance team para masiguro nanda nga uwa it magiging problema sa mga national road ag nagbutang sanda it mga directional signs.
Nakipag-angot man eon ro DPWH sa Land Transportation Office (LTO), Philippine National Police (PNP), ag Local Government Units (LGUs) para sa anuman nga bulig nga andang kinahangeanon sa adlaw it kaeag-kaeag.
(c) web
