BACOLOD CITY – Dakup sa ginpatigayon nga buy bust operation si Alias Jeprox kaina sang kaagahon sa Brgy. 2, Bacolod City.
Nakilala ang supsek nga si Norvic Nacanaynay, 40 anyos ang edad, pumuluyo sang Purok Sigay, Brgy. 2 kag kilala sa ila lugar bilang si Alyas Jeprox.
Sa ginpatigayon nga buybust operation sang Drug Enforcement Unit sang Bacolod City Police Office Station 2 nakuha kay Jeprox ang 2 ka elongated sachet sang suspected shabu, buy bust money kag coin purse.
Suno sa pulis ang nakuha nga suspected shabu kay Jeprox ang ginabulubanta may estimated market value nga P8 mil pesos.
Ang suspek detained na karon sa custodial facility sang Police Station 2 kon diin ginapreparar na ang kaso nga violation sang RA 9165 ukon illegal drugs nga igapasaka batuk sa iya./dyHB BACOLOD
