Davao City – Gipasalig sa Davao City Water District nga limpyo ang tubig nga ginasuplay sa Country Ville Cabantian ning siyudad.
Nag-ugat ang pamahayag sa Water District human gireklamo sa mga residente ang color brown ug baho nga tubig sa agas sa ilang mga panimalay kaganinang buntag.
Matud ni DCWD spokesperson Atty.Bernard Delima nga dako ang puruhan nga ang pagcolor brown sa tubig nga agas sa gripo resulta kadto sa clogging sa pipeline sa Dumoy Water System.
Busa gitambagan ni Delima ang mga nanimuyo sa Country Ville sa Cabanatian nga paawason una og pila ka minuto ang ilang mga gripo hangtud mubalik og katin-aw ang tubig.
Gi-awhag pa niini ang mga konsumante nga kun aduna ma’y mulo o reklamo mas maayo ipaabot kini sa ilang buhatan pinaagi sa pagkontak sa ilang 24/7 hotline services aron maaksyonan dayon.
RadyoMaN Joel Viray
