Davao City – Wala damha sa usa ka hamtong nga lalake nga sa ospital ang iyang padulngan gikan sa paglipay sa inum uban sa suspek.
Kini human giluba ang biktima nga si Reynaldo Landero, 45 anyos, nagpuyo sa km 12 Sasa ning siyudad sa iyang kainom nga si Bosyong Carpiano, nagpuyo gihapon sa mao nga lugar.
Daling gidala sa pribadong ospital ang biktima sa iyang mga kabanay human nakahiagom kini og samad dinunggaban sa bukton ug sa tudlo.
Sa imbestigasyon sa Sasa PNP, nasuta nga nag-inum pa sa ilimnong makahubog ang duha pasado alas 3:00 sa kadlawon apan dihang pareho na lango sa binong makahubog ang duha kalit na lang nagbikil sila ug ang suspek kansang armado og kutsilyo dayon duslak sa biktima.
Gilayon naglusad og manhunt operation ang kapulisan resulta sa pagkasikop sa suspek kinsa napreso na karon.
RadyoMaN Joel Viray
