Gireklamo sa duha ka Traffic Enforcer nga silang Lester Loquias, 30 anyos, minyo nga taga No. 280 Sto. Nino, Lapasan ug Runel Tejano, 31 anyos, minyo nga taga Barangay 5, Balingasag, Misamis Oriental ang lalakeng misinggit kanila og “MGA RTA MANGWARTAHAY”.
Ang maong lalake nailang si John Ellipse Paasa, 23 anyos, ulitawo nga taga Zone 7, Camp Evangelista, Patag ning siyudad.
Matud sa duha ka traffic enforcers nga samtang nagbantay sila sa ilang area sa Abellanosa St, Consolacion mga ala 5:20 sa hapon niadtong Pebrero 19, kalit lang silang gisinggitan ni Paasa hinungdan nga gibati sila’g kaulaw.
Alayon sa maong hitabo, mihimo na karon sa dugang imbestigasyon ang kapolisan aron mapasakaan sa kasong Slander, Grave Oral Defamation ang suspek.
Facebook Comments
