By: Joanna Ricote
Sikop sa gipahigayong entrapment operation sa kapulisan sa City Intelligence Branch sa Cagayan de Oro City Police Office o COCPO, ang usa ka lalake nga nagpa-ilang miembro sa teroristang grupong CPP/NPA/NDF.
Ang maong suspect naila sa pangalan nga si John Mark Minister alyas Elmer, 18 anyos, nga residente sa Brgy. Besigan sa syudad sa Cagayan de Oro, nagpa ilang usa ka aktibong miembro sa CPP/NPA/NDF ug usa ka miembro sa notorious nga criminal group nga gitawag og Mininster criminal group nga naka base sa Brgy. Besigan Cagayan de Oro.
Nasayran nga nangikil ang suspect sa biktimang si Mr. Andrew John Dy Choi, usa ka negosyante og poultry sa Purok 7 Imbayao, Malaybalay, Bukidnon ug nagpuyo sa Capistrano Del Pilar St. Cagayan de Oro.
Nangayo matud pa og 30,000 pesos nga extortion money ang suspect sa biktima.
Sa gipahigayong entrapment operation, migamit ang kapulisan og usa ka 100 pesos nga kwarta, duha ka 50 pesos, ug mga papel nga gipormang kwarta.
Na recover usab gikan sa bag sa suspect ang usa ka granada.
Kasong extortion ug illegal possession of explosive ang gi-andam nga kaso sa responsable.
