Patay ang usa ka lalake human matud pa nakig pinusilay sa kapulisan.
Nasayran nga kagahapong adlawa, mi responde ang kapulisan human nga nang harass ang usa ka Eric Dadang alyas Badong, nga residente sa Brgy. Lapasan.
Matud ni Irish Taculod, nga si alyas Badong ang mitambong sa haya sa iyang amahan apan dakong kakurat niini human nga kalit kini nga nang harass ug nanion sa dalang armas.
Nasayran nga iyang gitiunan sa cal. 38 nga armas ang iyang pag umangkon nga naila sa ngalan nga si Mark Sinugbuhan, 18 anyos, apan pakyas kini pagpabuto, hinungdan nga nagpakitabang ang usa ka Methoz Shiela Taculod, sa Agora Police Station ug ang ilang inahan nga si Delia Taculod, ang nangayo og tabang sa ilang silingan nga pulis nga si PO3 Argie Yecyec.
Matud sa mga biktima nga ilang pang nadunggan si PO3 Yecyec nga nag mando nga i surrender ang armas sa suspect, apan nakig pinusilay kini sa maong pulis.
Nasayran nga igo nalang napalgan si alyas Badong nga nagbuy-od ug wala nay kinabuhi sa pathway sa St. John Brgy. Puntod.
Atol sa maong insidente, mi responde ang ginsakpan sa SOCO, kung asa ang biktima naka-angkon sa samad pinusilan particular sa nawong, 3 sa lawas, 6 sa likod nga bahin sa iyang lawas.
Samtang na recover usab ang usa ka.38 caliber revolver ni alyas Badong nga adunay 1 ka live ammunition.
