General Santos City—Samad sa likod nga bahin ang naangkon sa uas ka Marvin Pundong, 33, residenti sa Bagong Silang, Barangay Labangal, Gensan human kining nadunggaban sa miyembro sa Children in Conflict With The Law kon CICL sa may Purok Putting Bato, Barangay Calumpang Gensan.
Sa record sa Dr. Jorge Royeca Hospital nasuta nga pauli na unta ang biktima sa ilang panimalay alas 10:30 ang takna sa gabie.
Duna matud pay nag-riot sa lugar, pag abot sa unahan kalit lang gibabagan sa mga suspek ang motorsiklong gisakyan sa biktima dayon way sulti-sulti gidunggab sa usa ka suspek ang biktima.
Paspas nga misibat ang mga suspek sa wala sayring lugar, samtang ang biktima gidala dayon sa balay tambalanan. Sa karon padayon pa ang gihimong imbistigasyon sa kapulisan kalabutan sa insidenti.
