Isa patay isa nasamaran sa natabo nga shooting incident la una kaina sang kaagahon sa Purok Kawayan, Brgy. Banago, ciudad sang Bacolod.
Suno sa police blotter, ang biktima nga napatay amo si Mark Alob, 29 anyos, single kag pumuluyo sang Purok Lilang samtang ang nasamaran naman ginkilala nga si Ryan Albarico, 33 anyos, soltero, residente sang Purok Kawayan, tanan sang Brgy. Banago.
Samtang ang suspek naman nakilala kay Fritz Diosanta, 29 anyos kag residente sang Purok Baybayon sang amo man nga barangay.
Base sa imbestigasyon sang Police Station 3, ang biktima nga si Alob ang nagatindog sa foot walk sang ini ang gintiro sang suspek gamit ang wala pa matumod nga armas kon diin sa amo nga tion si Albarico ang yara man sa amo nga lugar gani ini ang aksidente nga naigo sa iya likod.
Nabutang sa blotter nga gilayon nga nagpalagyo ang suspek samtang ang biktima naman nga si Alob ang gin-declare nga patay sang attending physician sa regional hospital mga las 2:35 kaina sang kaagahon samtang ang pilason padayon naman nga ginabulong.
[image: image.png]
