Compostela Valley – Kritikal ang kahimtang sa usa ka lalaki human gipusil alas 12:45 ang takna sa hapon sa Prk. 7 Brgy. Poblacion Monkayo, Compostela Valley.
Biktima giila sa pangalang Mario Matugas, 45 anyos, residente sa Prk. 5 Brgy. Haguimitan lungsod sa Monkayo ug cashier sa usa ka kooperatiba.
Sumala sa report, nagmaneho sa motorsiklo ang biktima gikan nag withdraw og kwarta sa banko pauli ngadto sa ilang panimalay apan kalit gipusil sa duha ka wala mailhing suspetsado nga nakasakay usab pg motorsiklo gamit ang .45 nga pistola hinungdan nga natumba ug daling gikuha ang bag nga dunay kwarta balor P300,000.00.
Daling gidala ang biktima sa balay-tambalanan samtang abtik misibat ang duha ka wala mailhing suspetsado padulong sa wala masayring lugar ug kasamtangang ginaimbestigahan na sa kapolisan ang maong insidente.
RadyoMaN Juls Catisay
