Nasolbar na sang mga katapo sang Jury ang kontrobersiya sa baseball Secondary Boys sang nakaligad nga Western Visayas Regional Athletic Association Meet.
Sa sinapol kahapon sang mga katapo sang Jury, nadesisyunan nga wala na sang hiwaton nga hampang sa tunga sang Iloilo Kag Negros Occidental sa baseball Secondary Boys.
Sa baylo magapili na lamang ang mga opisyales sang mga players nga nagatiglawas sa Westyern Visayas para sa Palarong Pambansa nga hiwaton sa Vigas sa maabot nga Abril 15-21.
Ginpahayag ni Dr, Amelita Pitalgo, OIC chief sang Education Support Services Division nga pinaagi sini, mas mangin mabakod ang team sang Western Visayas sa patag sang baseball Secondary Boys nga magapasakop sa Palarong Pambansa.
Subong man, ginkasugtan man nga ang coach sang Iloilo amo ang maga-uyat sa team sang Western Visayas.
