South Cotabato – PATAY ang usa ka lalaki human gipusil sa may Sitio Spring, Barangay Poblacion, Tboli, South Cotabato niadtong nakalabayng adlaw.
Ang bitkima giilang si Benver Tisoro Perigrino, 41, minyo, residente sa Sitio Spring sa samang barangay. Giila usab ang suspek nga si Christopher Cristobal, legal age, minyo, residente gihapon sa lugar.
Sa inisyal nga imbistigasyon sa Tboli PNP nasayran nga nag-inum ang biktima ug ang suspek sa usa ka imnanan sa lugar, human nahubog naglalis ang mga nahisgutan nga misangko sa pagpamusil.
Unang gipusil sa suspek ang tiil sa biktima ug gisundan pa niini ug usa pa ka buto punting sa nawong sa nasangpit nga hinungdan sa kamatayon niini.
Gitabang pa ug dala sa ospital ang biktima apan gideklara kining dead on arrival. Samtang ang suspek gilayong misibat human sa krimen nga iyang gihimo.
Sa karon gipangita pa sa kapulisan ang suspek samtang ginahikay na ang kasong ipasang-at batok sa nahisgutan.
