Davao City – Nagpaalim karon sa ospital ang usa ka lalaki nga biktima sa pagpamusil sa Km. 61 Purok Lansones, Brgy. Pandapan, Tagum City, Davao del Norte alas 8:40 sa gabii niadtong Huwebes, Marso 21, 2024.
Sa report nga gipadala sa DXDC RMN Davao ni PLtCol. Jeffrey Latayada, Chief of Police sa Tagum City Police Station, naila ang biktima nga si Renan Lumaad, hamtong, usa ka mining electrician nga taga Purok 11, Brgy. Nuevo Iloco, Mawab, Davao De Oro.
Sa imbestigasyon, samtang nag-inom sa tindahan ang biktima uban ang iyahang tulo ka kauban sa trabaho, usa ka lalaki ang kalit lang miduol ug kalit nga gipusil si Lumaad sa kaduha kahigayon.
Nakahiagom og samad pinusilan ang biktima samtang dali usab nga misibat ang suspect.
Sa pagkakaron, padayon pang gisuta ang motibo sa pagpamusil ug padayong giila ang suspetsado aron kini mapanubag sa balaod.
RadyoMaN Kirby Manzon
Facebook Comments
