General Santos City—nakaangkon ug samad sa iyang kilay agog dinunggaban ang usa ka lalaki human natripan sa mga tambay sa may Barangay Ladol, Alabel, Sarangani Province.
Ang biktima giilang si Romel Gregorio, 36, residenti sa Braangay Cogonal, Alabel. Nasayran nga igo lang miagi sa lugar ang nasangpit nga biktima, naatlan nga dunay nagtambay sa lugar.
Gibikil sa mga suspek ang nahisgutan nga miresulta sa away. Miaksyon pag sukol ang biktima sa mga suspek apan wala syay mahimo tungod nag inusara lang kini.
Naigo sa kutsilyo sa suspek ang biktima sa kilay hinungdan sa iyang pagkasamad. Paspas nga misibat ang mga suspek human sa insidenti samtang ang biktima gidala dayon sa Dr. Jorge Royeca Hospital apan gitugtan man kining makagawas tungod dili man grabe ang iyang naangkong samad. Sa karon padayon ang gihimong imbistigasyon kalabutan sa insidenti.
