General Santos City—nakabsan gyud sa iyang kinabuhi ang usa ka lalaki human nga na hit and run sa wala pa matinong sakyanan sa National Highway, sakop sa Barangay Ladol, Alabel, sarangani Province.
Ala 1:00 ang takna sa hapon, Domingo, July 9, 2017 dihang gidala sa usa ka concern citizen ang wala pa mailhing biktima sa Dr. Jorge Royeca Hospital human nga nakaplagan niini ang nahisgutang biktima nga nagbuy-od sa kalsada human gituohang na hit and run sa wala pa mailhing suspek.
Alas 10:00 ang takna sa gabie sa samang adlaw dihang nakabsan sa iyang kinabuhi ang nahisgutang biktima gumikan sa samad nga naangkon niini sa nagkandaiyang parti sa kalawasan hilabi na sa iyang ulo nga bahin.
Sa kasamtangan naghimo nag imbistigasyon ang Alabel Municipal Police Station kalabutan sa insidenti, samtang nanawagan ang Dr. Jorge Royeca Hospital ngadto sa katawhan nga nawad-an ug miyembro sa pamilya nga mamahimo nila kining sutaon sa Dr. Jorge Royeca Hospital partikular na sa Morgue basin ila kining paryenti.
tags: Rose Sioco, Rmn Gensan, Alabel MPS, SPPO, Sarangani Province, Inah Daven, Bryan Oñate
