Lalaki, nalumos sa Barangay Bonbon

63

Patay ang usa ka lalaki human malumos sa Raagas beach sa Barangay Bonbon ning syudad niadtong Sabado sa buntag.

 

Biktima nailang si Michael Avancena, taga Barangay Carmen ning dakbayan.


 

Nasayran nga misulod ang biktima sa maong beach kauban ang iyang pamilya ug nag-inum ug nangaligo kauban ang mga ig-agaw niini.

 

Apan pagka alas dos sa kadlawon, natingala na lang ang pamilya nga wala na kini makita.

 

Nakit-an na lang ang biktima nga naglutaw patay, pagka alas sais sa buntag.

 

Samtang walay nakitang foul play ang kapulisan sa kamatayon ni Avancena base na usab sa ilang pagsusi sa biktima.

 

Matud sa kapolisan, wala silay nakit-ang bun-og o bisan unsang samad sa lawas niini.

 

Nasayran base sa pakighinabi sa pamilya nga hubog si Avancena nga naligo sa dagat ug dili kamao molangoy.

 

Pahimangno karon sa kapolisan sa Carmen nga dili na lang magpalawom og kaligo sa dagat kung dili kamao molangoy aron malikayan ang ingun niini nga insidente.

Facebook Comments

From Advertisers