Davao City – Wala pa sa gihapon nakita ang lawas sa usa ka 22-anyos nga lalaki nga si Renante Hosing human kini na anod sa sapa sa Davao River niadtong miaging adlaw sa Biyernes.
Kahinumdoman nga nangaligo sa sapa diha sa Prk. 42 Midland Subd. Ma-a ang biktima kuyog ang duha ka mga minor de edad diin nalumos matud pa ang usa niini busa sa iyang pagtabang natumban matud pa ang bukton sa biktima ug naanod sa ka kusog sa tubig rason nga wala pa kini nakita hangtod karon.
Sumala pa usab ni Ever Rosauro, head sa Barangay Risk Reduction Managenment Council sa Brgy. Ma-a, nga kusog gayud ang bulhog sa tubig niadtong higayona diin matud pa miabot sa tulo ka oras ang ilang gilusad nga retrival operation apan pakyas kini sa pagrekober sa biktima.
Dugang ni Rosauro nga lahi matud pa ang terrain surface ilawom sa tubig sa Ma-a river ug mas elevated ang area gani posiblang napasok sa mga bangag kun mga undercut gutter ug nakulgot ang lawas sa biktima hinungdan nga wala pa kini milutaw.
Ang mga kabanay sa biktima malaumon sa gihapon nga ila pang makita ang patay’ng lawas niini gani mibisita sa brgy hall ang amahan niini nga si Hesus Osing kay buot nila ipasalom og balik ang sapa kun asa kini nahulog ug igo na usab sila gitambagan nga modangop sa Central 911 aron mahinayon sa pagbalik ang retrival operation.
RadyoMaN Paul Canono
