Nadakpan sa gipahigayong operasyon sa mga kapulisan ang usa ka lalaki nga suspetsado sa kasong Frustrated Murder adtong milabayng Sabado takna alas 5 sa hapon didto sa Purok-4, Brgy. Salimbalan, Baungon, Bukidnon.
Nailhan ang suspetsado nga si Wilson Abanite, 30 anyos, ulitawo, ug residente sa naasoy nga lugar.
Si Abanite ang gipasakaan og warrant of arrest sa kasong Frustrated Murder nga gi-issue ni Hon. Jose U. Yamut Sr., Presiding Judge sa Regional Trial Court (RTC), 10th Judicial Region, Branch 11, Manolo Fortich, Bukidnon, pinitsahan Agosto 8, 2021 nga adunay girekomendang piyansa nga mukabat sa P80,000.00 alang sa temporaryong kagawasan.
Gibalhog na sa Baungon Municipal Police Station ang suspetsado alang sa tokmang disposasyon.
Facebook Comments
