Mga aktibong kaso sa covid-19 sa dakbayan sa Malaybalay, misaka na sa kapin 40 ka mga indibidwal

13
Misaka na sa 44 ka mga indibidwal ang kasamtangang nagpabilin sa mga quarantine facility sa dakbayan sa Malaybalay gumikan sa pagpositibo sa Covid-19.

Kini basi sa datos nga gipagawas sa dakbayan sa Malaybalay pinaagi sa City Health Office (CHO).

Misaka na sa kinatibuk-ang 4320 ang mga natakbuyan sa Covid-19 sa dakbayan diin 4133 ang nakarekober ug 143 ang nakabsan sa kinabuhi sukad pagsugod sa pandemya.

Gipamahayag ni Arlyn Cabigas, ang Incident Management Team (IMT)-Malaybalay Focal Person ug kasamtangang City Tourism Officer atol sa interview sa RMN nga posibleng padayon nga musaka pa ang mga kaso sa Covid-19 sa dakbayan.

Kini gumikan sa nahitabong holiday season diin naghatag higayon sa mga tawo nga managtapok.

Samtang padayon ang pag-aghat sa dakbayan ngadto katawhan nga magpabakuna batok sa maong sakit ug magbantay sa mga posibleng mahimong hinungdan aron nga matakdan sa sakit nga Covid-19.

Facebook Comments