Malampuson nga nadakpan sa Criminal Investigation and Detection Group kon CIDG region ten ang usa ka lalaki nga gahimo og pekeng dokomento.
Matud ni SPO4 Noel Oclarit, ang Chief Investigator sa CIDG10, naila ang suspek nga si Bryan Rosales, 28 anyos, usa ka lay out artist, taga Zone6- Lunocan Manolo Fortich Bukidnon.
Dugang pa ni SPO4 Oclarit, trabaho sa suspek ang pagpanghimo sa mga pekeng dokomento, sama sa business permit ug mga school clerances, sa ubos lamang nga presyo.
Nasayran nga atol sa operasyon, narekober sa CIDG ang nagkalain-lain nga selyo ug mga clearances sa usa ka unibersidad, computer set nga gilangkuban sa cpu, monitor, ug mouse, printer, scanner, AVR, printer, laptop, usa ka unit sa Digital camera, falsified business permit sa syudad, 500 peso bill nga marked money, assorted rubber stamp, school seal and government seal, usa ka ID cutter, paper cutter, electric laminator, falsified clearances sa usa ka tunghaan ug assorted government IDs.
Suspek karon ang detinado sa CIDG region ten, alang sa atubangon nga kaso.
By: Radyoman Aiza MIshelle-Enloran
