Lalaki nga may deperensya sa paminsaron ginhigot ang kable sang telepono sa iya liog

BACOLOD CITY – Nagtuyo nga maghikog ang isa ka lalaki na may diperensya sa paminsaron sa isa ka barangay diri sa ciudad sang Bacolod kahapon.

Ang biktima, isa ka 33-anyos nga lalaki kag may yara sang indi maayo nga paminsaron.

Suno sa iloy sang biktima nga nagtuyo nga maghikog ang iya bata pinaagi sa pagbitay gamit ang kable sang telepono.

Pasalamat na lamang sang pamilya nga ila naabtan ang biktima gani nadala pa ini sa ospital kag natabangan.

Nag-angkon sang pilas sa iya li-og ang amo nga lalaki bangud man sang paghigot niya sang kable diri./dyHB BACOLOD