Ginpamatbatan sang Bacolod Regional Trial Court (RTC) Branch 52 ang isa ka lalaki matapus nga ini ang napamatud-an nga guilty beyond reasonable doubt sa pagbaligya sang iligal nga droga nga pagbayolar man sang Comprehensive Dangerous Drugs Act of 2002.
Gindagdagan sang two counts sang life imprisonment ni Judge Raymond Joseph Javier si Jamil Equibal Recaido alyas Jame kag ginapabayad sang P500,000 nga penalidad.
Wala labot sini, life sentence man ang atubangon ni Reciado sa posesyon naman sang 9.148 grams nga iligal nga droga kag ginapabayad sang dugang nga P500,000.
Sadtong Nobyembre 6, 2019 sang ginbaligyaan ni Recaido sang .0409 gram nga shabu ang isa ka police posuer-buyer sa balor nga P500 sa iya balay sa Purok Sigay, Barangay 2, ciudad sang Bacolod.
Nakuhaan pa gid ini sang 9.148 grams sang shabu.
Ma-preso man ang upod ni Recaido sa iya balay sang natabo ang buy-bust operation.
Napamatud-an nga guilty sang korte si Ronell Cawaling Dumali matapus makuhaan sang .5692 gram sang shabu. Gindagdagan ini sang 12 tubtub 17 ka tuig kag walo ka bulan nga pagkabilanggo kag magabayad sang penalidad nga P300,000.
Wala labot sini atubangon man ni Dumali ang guilty nga pamatbat sang Bacolod RTC sa posesyon sang drug paraphernalia kag mapreso sang duha ka tuig kag pito ka bulan tubtub apat ka tuig kag magabayad pa sang penalidad nga P100,000.
[image: image.png]
