Isa ka lalaki nga nakagapos ang kamot ang nasapwan nga patay sa kilid sang kampo sang tubo sa Purok 5, Brgy. Sto Niño, EB Magalona, pasado las-6:00 sini nga aga.
Sa impormasyon nga nakuha sang DYHB kay Relan Hernalin, ang lalaki ang may mga igo sang armas. Nagapati si Hernalin nga sa lugar mismo ginluthang ang biktima bangud sang mga baseyo sang bala nga narekober didto.
Suno pa kay Hernalin, ang lugar kun sa diin nasapwan ang bangkay sang biktima ang masami man nga ginabilinan sang mga salvage victims.
Sa pinakaulihi nga impormasyon ang biktima ang ginkilala nga si Niel Andy Arcanghel, 39-anyos sang Sitio Panawsawon, Brgy. Tuburan sang nasambit man nga banwa. Ini ang ginkilala mismo sang iya utod.
[image: image.png]
Facebook Comments
