BACOLOD CITY – Padayon karon ang imbestigasyon sa natabo nga isa na naman ka shooting incident mg alas 6:45 kagab-i sa isa ka bilasyunan sa Purok Cagaycay, Brgy. 2, Bacolod City kon diin patay ang isa ka biktima samtang nasalabat naman ang isa ka babayi.
Ginkilala ang napatay nga amo si Radito Bolneo, 30 anyos ang edad, single kag pumuluyo ang Purok Everlasting, Brgy. 29, Bacolod City.
Nakilala naman ang nasalabat nga amo si Rosemarie Seva, 64 anyos ang edad, pumuluyo sang Purok Lubi, Brgy. 3 ciudad sang Bacolod kon diin hilway na ini karon sa katalagman.
Suno kay Deputy Chief of Police sang Police Station 2, P/insp. Florentino Abalayan ang biktima ang nagalantaw sang panahor sa haya sang gintiro man sadto sang riding in tandem nga si Ronel Saldua sa amo man nga lugar sa Barangay 2.
Nag-angkon sang patal nga pilas sa iya dughan kag kamot si Bolneo nga amo naman ang gintunaan sang iya kamatayon./dyHB BACOLOD
