Lalaki sikop sa buybust, nakuhaan og pusil

71
Davao City – Duha ka kaso ang atubangon sa usa ka lalaki nga nasikop sa drug buy-bust operation sa Madang, Brgy Central, Mati City, Davao Oriental alas 10:30 sa gabii niadtong Miyerkules (June 29, 2022).

Gipangunahan ang operasyon sa Police Regional Drug Enforcement Unit XI (RPDEU) uban ang Mati City Police Station ug Philippine Drug Enforcement Agency (PDEA) Davao Oriental.

Sa interbyu sa DXDC RMN Davao kang Police Staff Sergeant Bernardo Almeria sa Mati City Police Station, giila ang suspek nga si Kenneth Dave Gubalani, alyas Dave, 23 anyos taga Panabo City, Davao Del Norte.

Napalitan ang suspek og usa ka pakete sa gituohang shabu nga mokantidad og P30,000 ug laing duha ka pakete sa shabu nga motimbang og 11 gramos kantidad og P74,800.

Gawas sa iligal nga droga, nakuhaan usab ang suspek og .45 caliber pistol nga adunay mga bala ug usa ka steel magazine.

Kasong paglapas sa Republic Act (RA) 9165 Comprehensive Dangerous Drugs Act of 2002 ug paglapas sa RA 10591 kun Illegal Possession of Firearms ang atubangon sa suspek.



RadyoMaN Kirby Manzon

Facebook Comments