Pagpangdawat og mga pasyente sa ZDSMC, giminosan

38
Pagadian City – Gilimitahan karon ang pagpangdawat og mga pasyente sa Zamboanga del Sur Medical Center (ZDSMC).
Base kini sa pamahayag ni Dr. Anatalio Cagampang Jr. ang Head sa ZDSMC/Integrated Provincial Health Office (IPHO) atol sa pakighinabi ngadto kaniya sa programang straight to the point kagahapon sa buntag June 30, 2022.
Matud pa niini nga subay sa ilang pagmonitor sa nakalabay nga duha ka semana milapas na sa maximum bed capacity ang na-admit sa ZDSMC, diin imbes nga 170 hangtod sa 180 nahimo na kining 240 hangtod sa 260.
Gani aduna’y panahon sa may pedia ward nga mukabat sa 45 ang pasyente apan duha lang ka nurse ang maka-atiman kanila.
Hinungdan nga dili makaya sa mga nurse ang pag-atiman tungod shifting ang sistema sa ilang duty.
Kalabot niini, gi-awhag karon sa ZDSMC ang kadtong nakalampos og medical courses nga mo-apply aron nga madugangan ang ihap sa ilang medical staff.
Nakipag-koordinar na usab sila karon sa ubang eskwelahan nga nagtanyag og medical courses aron nga kon aduna’y makahuman nga estudyante sa maong tulunghaan mamahimo na sa ilaha mag-apply.
Facebook Comments