General Santos City—Nailhan na ang biktimang brutal nga gipatay sa wala pa mailhing suspetsado sa Nopol, Barangay Conel ning syudad kansa una nang nakaplagan kaadlawon niadtong adlaw nga Myerkules.
Nasayran nga giila mismo sa iyahang mga kabanay ang biktima kagabie lang. Giila kining si Rocky Ali, 35 anyos, manalumay ug isda, og residenti sa Badjao Village Brgy. Bawing ning syudad.
Sumala sa asawa niini nga si Jenny igo nalang sila gipahibalo sa ilang mga barangay official bahin sa gidangatan sa biktima.
Nasayran nga dihang nakaplagan ang nasangpit, luoy kaayo ang kahimtang niini tungod gibaklid ang iyang duha ka kamot, dunay samad ginulgolan sa liog ug giputos ug tape ang iyang nawong.
Kasamtangan nagpahigayon pa og imbestigasyon ang kapulisan sa maong kaso aron masulbad ang krimen.
