*General Santos City— Gikumpirma ni Dra. Lalaine Calonzo, Assistant Department Head sa City Health Office Gensan nga usa ka lalaking gikan sa Wuhan, China ang gipa-iallom karon sa Person Under Monitoring human kining mi-abot sa Gensan milabay’ng Enero 23.*
*Sumala niya nga mukabat na sa upat ka tuig nga nagpuyo sa Gensan ang wala gihinganlang Chinese National gumikan sa iyahang negosyo ug nipauli kini sa china alang sa chinese new year ug dayon mibalik sa Gensan.*
*Subay sa pamahayag sa Assistant Manager sa nahisgutang Chinese National kanunay ang ilahang komunikasyon pinaagi sa cellphone human nga nag-self isolation ang nahisgutang chinese dihang mi-abot kini sa dakbayan.*
*Pagpaklaro ni Dra. Calonzo nga ang mga tawong pwedeng ibutang sa person under monitoring mao ang mga tawo nga gikan sa mga lugar nga apektado sa novel coronavirus.*
*Saysay niya nga kanunay ang ilahang ginahimo nga pagmonitor sa nasangpit nga chinese national aron masayran kung aduna bay mga sintomas sa novel corona virus, apan sa karon nagpabilin matuid pa nga negatibo.*
*Pamahayag niya nga walay dapat ika-alarma ang publiko samga tawong gipa-ilalom sa person under monitoring gumikan wala pay mga sintomas nga sila ang infected sa virus.*
*Samtang gibutyag niya nga mamahimo nilang dalaon sa mga medical facility sa Gensan ang nasangpit kung mu-request ang nahisgutan gumikan adunay mga gi-andam nga isolation room ang mga pribadong hospital sa Gensan apan sa karon, wala pa kini gihimo gumikan wala pa nangayo ug atensyong medikal ang nahisgutan tungod wala pa kini nakasinati ug mga sintomas sa novel corona virus.*
