Davao City – Wala na makaabot nga buhi sa Southern Philippines Medical Center ang dunay deperensiya sa pangisip human nalatayan sa elf nga iyang gikambyutan samtang nagdagan sa dalan sa Indangan Buhangin ning siyudad 6:00 kagabii.
Misugat matud pa ang wala mailhing biktima sa nagdagan nga Isuzu Elf nga dunay plakang WAQ 413 nga iya ni Adrian Peter Oxales ug gidrayban ni Mar June Genosas nga taga Baguio District ning siyudad.
Mupaingon unta sa Cabantian area ang elf dihang kalit mikambyot ang biktima apan nadalin-as ug nahulog kini sa ilawom mao nalatayan sa mga ligid.
Gisuwayan pa og sapupo ang biktima kinsa wala pa mailhi ang pagkatawo niini paingon sa SPMC apan di malas gumikan gideklara kini nga DOA ni Dra.Angelica May Joa Labradores.
Temporaryong gikustodiya sa Buhangin Pnp ang elf lakip na ang drayber alang sa pagsang-at og kasong reckless imprudence resulting to homicide.
Gipangita na sab karon sa kapulisan ang pamilya sa biktima aron mapahibalo ang nahitabo sa ilang kabanay kinsa nagpabilin pa karon sa morgue sa SPMC.
RadyoMaN Joel Viray
