Davao City – Nakaangkon og bun-og ug samad ang usa ka lalaki human gibunalan ug kahoy ug gitabangan og kulata alas 7:45 sa kagabhion didto sa Isla Verde, Barangay 23-C syudad sa Davao.
Sa report gikan sa Presinto Uno, naila ang biktima usa ka Jaerald Jann Rosales, 22 anyos nagpuyo sa nahisgutang barangay samtang ang mga suspetsado mga hubog mao sila Anadeto Basellote hingkod ang edad, usa ka alyas Roel ug usa ka alyas Gedion walay kompletong address.
Matud pa samtang nagdula og basketball ang biktima kalit kini giduol sa mga suspek ug gibadlong nga undangon na ang pagdula gumikan gabii na apan wala nagpatuo si Rosales hinungdan nga gitabangan kini og kulata sa mga suspek ug gibunalan og kahoy igo sa walang hawak niini.
Daling gitabang ang biktima ug gidala sa Southern Philippines Medical Center ug padayon pa nagpatambal human nga gideklara ni Dr.Mike Atillo nga muabot sa tulo ka adlaw una makarekober ang biktima.
RadyoMaN Don Pulayao
