Davao City – Nakurat pag ayo si Bref Kevin Ramirez Rizalina, 23 anyos nga taga Narra St. Awhag Subdivison Barangay 19-B ning siyudad kay gisulod ang iyang panimalay sa usa ka lalaki nga nagpaka aron ingnon nga nangita og balay kaarkilahan bandang alas 11:30 sa kagabhion.
Tungod niini, buot pakasohan og tresspassing ni Rizalina si Jeffrey Moto Esteban, 18 anyos nga taga Pangyan Sarrangani Province human kini misulod sa iyang boarding house nga walay pananghid gikan kaniya.
Anaa na sa porma unta sa pagkatulog ang complainant apan nakurat na lamang kini nga nga ukoy-ukoy sa pagsulod ang suspek ug sa diha nga iyang kining nasakpan nangatarungan kini nga buot niya nga mangita og balay aron iyang kaarkilahan.
Madudahon kaayo ang complainant sa gihatag nga rason sa suspek hinungdan nga mitawag siya sa kapolisan sa San Pedro aron madakpan kini.
Balhog na sa prisohan ang dinakpan.
RadyoMaN Paul Canono
