Giila ang suspetsado nga si Rio Kim Permacio, hingkod ang pangidaron, ulitawo, ug residente sa naasoy nga lugar.
Sumala sa report sa kapulisan, nga kalit lang matud pang gitigbas sa suspek ang tricab nga gimanehu sa biktima nga si Ronnel Tonggaan, hingkod ang pangidaron, minyo, ug residente sa Purok-5, Barangay Delapa sa susamang lungsod.
Wala pa nahiluna ang suspek ug gilakag pa ang drayber sa tricab lakip na usab ang pasahero niini nga giilang si Princess Jhann Cainday.
Swerte nalang nga wala nasapon ang duruha ug nadakpan ra usab ang suspek human ang insidente.
Mukabat sa kapin kon kulang P20,000.00 ang gikatahong damyos nga naangkon sa tricab sa nahitabong pagpanigbas.
Gikustodiya na karon sa presinto sa kapulisan sa Quezon, Bukidnon ang suspetsado nga mag-atubang sa kasong Grave Threat kon pagpanghulga ug Malicious Mischief.
