Davao City-Ipasaka sa Bajada Police Station ang asunto kontra sa usaka miyembro sa LGBTQ nga trabahante sa Southern Philippines Medical Center (SPMC) kinsa alegasyong nang molestiya og 14 anyos nga batang lalake.
Sa interbyu sa DXDC RMN Davao kang Capt. Hazel, Tuazon, Spokesperson sa DCPO, gibutyag niini nga kasong kalapasan sa RA 8353 or sexual assault in relation to RA 7610 ang isang-at nga reklamo.
Segun ni Tuazon,ang bata kampirmado nga gi-molestya sa suspetsado human mireklamo ang biktima ngadto sa iyang igsoong lalaki.
Gidugang sa maong opisyal nga posibleng mataktak sa serbisyo ang gi-akusahan.
“Gidala ang bata sa 5th floor sa JICA Building sa SPMC og didto gi-molestiya ang bata” sulti ni Tuazon.
Kahinumdoman nga ang bata kauban ang iyang igsoong lalaki niadto sa SPMC alas 2:30 sa kaadlawon niadtong Hulyo 4 aron magpa medical apan wala damha nga mabiktima na hinoon sa sexual abuse.
RadyoMaN Don Pulayao
Facebook Comments
