Nadiskubrihan nga adunay nagkadaiyang pending of warrant of arrest ang usa ka lalaki human kini maglasong ug nadakpan sa kapolisan sa Sityo Sawmill, Barangay Consolacion ning syudad.
Suspek naila nga si Albert Paul Alquitela, 42 anyos, minyo, lumad nga taga Libona Bukidnon.
Nasayran nga adunay pending nga warrant of arrest si Alquitela sa kasong murder, reckless imprudence resulting in multiple homicide, multiple physical injuries and damage to property, ug carnapping case.
Nasikop ang suspek pinaagi sa pagpangulo sa hepe sa Macabalan Police Station nga si Police Chief Inspector Enrique Belaca-ol.
Samtang giklaro ni Spo3 Jerome Diolanto sa Macabalan Police station, nga duha sa nakapending nga warrant of arrest sa nadakpan nga suspek ang nahitabo sa Manolo Fortich ug duha usab sa Libona Bukidnon.
Matud ni SPO3 Diolanto nga gawas sa daan nga mga kaso, ila usab kining pasakahan og kasong public disturbance.
Dugang pa ni Diolanto, nga base sa pahayag sa suspek, aduna nay mga kaso nga na settle na niini apan kini pa karon ang ilang klaruhon.
