Davao City –Sikop sa Talomo PNP ang usa ka lalaki sa dihang nagpabuto kini og armas diha sa Sitio Awa Shanghai Village Catalunan Grande ning siyudad ala-1 sa kahaponon gahapong adlawa.
Ang dinakpan mao si Florencio Serna Estoque Jr. , 43 anyos, minyo, lumulupyo sa maong lugar.
Sumala pa sa report nga naghuromentado ang maong lalaki ug nagpabuto sa iyang armas.
Nakuha kaniya ang usa ka .38 nga revolver nga dunay upat ka bala ug lima sa basiyo sa bala nga walay igong mga papeles.
Balhog na sa prisohan sa Talomo ang maong dinakpan ug anaa na usab sa kustodiya sa kapulisan ang mga armas ug bala.
Kasong paglapas sa 10591 ug alarm scandal ang ipasaka nga kaso sa dinakpan.
RadyoMaN Paul Canono
Facebook Comments
