Nangayo og pinansiyal nga tabang pinaagi sa RMN-DXCC ang usa ka Mercidita Along taga Zone 2-Baluarte, Tagoloan, Misamis Oriental.
Matud ni Along nga mangayo siya og tabang aron ipalit niya og pagkaon ug diaper sa iyang pasyente nga naa karon sa Northern Mindanao Medical Center kon N-M-M-C tungod sa sakit nga Tubercolusis kon TB.
Dugang pa ni Along nga iyang kanhi kapuyo ang iyang pasyente nga si Ramil Jagualing, kinsa maoy gakulata kaniya kaniadto kung kini mahubog hinungdan nga iyang gibiyaan.
Apan ning bag-o, iya kining nakita sa menteryo sa Tagoloan nga niwang kaayo ug didto na lang nagpuyo tungod kay wala nay amigo nga magpasaka niini tungod sa sakit nga gibati.
Tungod sa iyang kalooy, iya kining gidala sa hospital aron kini nga matambalan.
