General Santos City—Ilhan na ang biktimang nakaplagang patay sa may bakanteng luna nga sakop sa Barangay Sinawal, Gensan kansa una nang nakaplagan kagahapong adlawa.
Biktima giilang si Armando Ordiales, legal age, residenti sa Area 1, Block 5, Barangay Fatima, Gensan.
Ang nahisgutan usa matud pa ka habal-habal driver.
Una nang nahidangat sa buhatan sa Police Station 2 ang kabanay sa biktima aron sutaon kung ila bang kabanay ang namatay. Positibo usab nilang giila ang biktima kansa una nang gidala sa usa ka punerarya dinhi sa dakbayan.
Nasayran nga adunay samad sa ulo ang nasampit kansa gituohang gipusil sa wala mailhing suspek. Sa karon nagpadayon pa ang gihimong imbistigasyon sa kapulisan kalabutan sa insidenti.
Facebook Comments
