South Cotabato–Ginapaabot na lamang sa Lake Sebu PNP ang paglutaw sa lawas sa biktimang si Rey Adon, 30 anyos, minyo, residente sa Segundo village Brgy. Poblacion Lake Sebu kansa una nang namissing human nga naunlod ang gisakyan niining Bangka sa lot 70 Brgy.Poblacion sa nasampit nga munisipyo bandang ala 1:30 sa hapon niadtong milabay ng adlaw.
Kini ang nahimong pamahayag ni Police Johnrick Medel ang hepe sa Lake Sebu PNP human nahinabi sa Rmn News Team.
Sumala pa ni medel nga mag inusara lamang ang biktima nga sakay sa iyang bangaka ug anaa sa impluwensiya sa ilimnong makahubog sa dihang gibati ug kainit sa lawas miadto kini sa tunga sa lake aron matud pa lantawon ang gipang butang niini nga pukot.
Dugang saysay sa opisyal nga sa dihang naunlod na ang bangka gisuwayan pa pag gukod sa nasampit apa n gmikan sa kapoy niini sa paglangoy wala na niini naabutan hinungdan nga miresulta kini sa iyang pagkalumos.
Nagtuo usab si medel nga patay na ang biktima ug duna nay mga tawo nga nagbantay sa palibo sa lake aron makit-an ang paglutaw sa lawas sa biktima.(Reynald Timario)
