Gisikop sa kapulisan sa Gingoog City ang usa ka lalaking nanion og armas sa duha ka menor de edad niadtong gabie sa adlaw sa eleksyon.
Ang suspek mao si Danilo Anor, 50 anyos, minyo nga taga Barangay Samay, Gingoog City.
Nahitabo ang pagpanion atol sa canvassing of votes sa Samay Elementary School sa nasangpit nga lugar.
Misulay pa og ikyas si Anor ug nagpabuto sa iyang dalang armas sa dihang miresponde ang kapulisan.
Apan tungod sa tabang sa mga sundalo sa 58th IB, Philippine Army daling nasikop ang suspek.
Nakuha sa kapulisan sa area ang usa ka .38 kalibre nga armas ug mga basyo sa bala.
Lakip sa miresponde sa area ang kapulisan sa Gingoog City sa pagpanguna ni Acting Chief of Police, Supt. Ariel Philip Pontillas ug 1001st, MC, Regional Mobile Force Battalion.
PC: Police Supt. Ariel Philip Pontillas, Acting Chief of Police, GIngoog City Police Office
