LEVEL IT TUBI BAHA SA AKLAN RIVER GULPING TUMAAS

Kalibo, Aklan – Gulping tumaas ro level it tubi baha sa Aklan River mga bandang
alas 11:00 ro oras makaron it agahon.
Bangud kara nagpatunog it sirena ro Kalibo Municipal Disaster Risk Reduction
Management Office bilang unang alarma para makapahaum ro mga pumueuyo.
Suno kay Terence June Toriano MDRRM officer it Kalibo, umabot sa 2.38 ro level
it tubi baha base sa water level guage board sa Mobo bridge bangud sa pag
us-os it tubi halin sa ilaya nga parti it probinsiya’t Akean.
Nagpangabay si Toriano, sa mga pumueuyo nga magpahaum eang ag indi
magpanic bangud 5.43 pat-a rong critical water level.
Ging kunpirmar man ni Mayor Charito Navarosa,nga halin pa kahapon nga
inuean sa banwa’t Libacao ag bukon it maeayo nga bahaon ro mga manaba
nga parti it Aklan kapareho it Kalibo ag Numancia…