Ang dakbayan sa Butuan bisan pa man usa ka highly urbanized City ug regional center sa Caraga region halos 70 % gihapon nga gasalig sa Internal Revenue Allotment o IRA. Kini maoy migawas nga impormasyun sa gihimong report nga gipagawas sa Bureau of Local Government Finance o BLGF. Ang BLGF usa ka buhatan ilalom sa Department of Finance. Nabutang sa ika-9 nga dapit ang dakbayan sa Butuan sa locally sourced revenue dependency sa mga syudad sa tibook Mindanao base sa gipagawas nga datus sa Department of Finance-Bureau of Local Government Finance (DOF-BLGF). Nag-una sa listahan ang Cagayan de Oro city nga adunay 51.39% diin ang dakbayan sa Butuan ang anaa sa 29.08%. Usa ka highly-urbanized city ang syudad sa Butuan apan nalupigan pa kini sa mga gagmay’g syudad sama sa Dipolog city nga anaa sa ika-5 ug Ozamis city nga anaa sa ika-6 sa listahan. Sa gihimung pagtandi mikunhud pa hinoon ang locally sourced revenue dependency sa Butuan diin gikan sa 30.76% sa tuig 2013, 30.39% sa tuig 2014, 29.73% sa tuig 2015 ug miubos ngadto sa 29.08% sa tuig 2016. Unsaon kaha pagpadako ang local revenue sa siudad? Post your comments Tags: LGU Butuan, BLGF, Department of Finance, dxbc, rmn butuan Sent from my Samsung Galaxy smartphone.
