Nahidangat na kagahapon didto sa Makilala, North Cotabato ang mga personahi sa City Disaster Risk Reduction Management Office (CDRRMO) ug City Social Welfare and Development (CSWD) aron itunol ang tabang gikan sa local nga kagamhanan sa Butuan sa mga biktima sa linug sa maong lugar.
Madumduman nga alas 4 ang takna sa kaadlawon kagahapon nibiya dinhi sa Butuan ang team diin lulan sa duha ka dump trucks ang mga relief goods.
Pamahayag ni May Diez, tigpamaba sa syudad nga moabot sa kapin 2 milyon pesos ang balor sa mga relief goods nga mapadulong sa dos mil ka mga pamilyang biktima sa linug sa lugar.
Nasayran nga gawas sa tabang gikan sa syudad aduna sab pipila ka rolyo sa trapal ang gidonar sa Equiparco Construction Company sa Butuan para sa Cotabato nga naigo pag-ayo sa linug niadtong nakalabyang semana
[image: butuan relief.jpg]
