Bus, Patrol car ag iba pa.
Daya do mga mabaton nga saeakyan it Local Government Unit kung Kalibo halin sa mga private company suno kay Mayor William Lachica.
Suno sa alkalde readyo to deliver eon do patrol car halin sa San Miguel Cor. hin-aga nga adlaw nga daya hay gina hambae nana nga sangka mabahoe nga bulig bangod sa kinahangeanon raya it mga pulis sa selebrasyon it Ati-Atihan Festival.
Ro bus man nga ceres liner ag halin sa Vallacar Transit Incorporated hay gina proseso eon bangod maagi anay daya sa Memorandum of Agreement (MOA) nga iga-donar mismo it nasambit nga kumpanya.
Samtang makabaton man it sangka unit nga saeakyan halin sa Unitop ro LGU Kalibo nga maitao eon makaron nga buean.
Naga pasaeamat man si Mayor bangod indi eon sanda kinahang-ean pa nga mag-renta it Bus kung may mga naga bisita nga maga tour sa nasambit nga banwa ag mapadasig pagid ro responde it mga pulis dahil may bag-o eoman sandang patrol car.
