Gidawat sa lokal nga pangagamhanan ning dakbayan sa Malaybalay pinaagi kang Malaybalay City Veterinarian Dr. Michelle C. Miquiabas nga maoy nirepresentar ni Mayor Florencio T. Flores, Jr. ang kantidad nga 3 milyones pesos nga projects alang sa development and upgrading sa swine production center, kagahapong adlawa didto sa Brgy. Dalwangan sakop sa dakbayan.
Gipasiugda ni Department of Agriculture in Northern Mindanao Regional Executive Director Carlene C. Collado ang pagtunol sa sertipikasyon, diin iya usab gibutyag nga ang maong proyekto nga gipundohan sa angecys livestock program naglangkob kini alang sa katukuran sa mga pigpens, containment wall, semen processing laboratory, office area, feed storage room ug sleeping quarters.
Siya midugang nga ang ahensya padayon nga nagtumong alang sa moderno ug industriyalisado nga agrikultura sa tibook rehiyon aron mapalambo ang produktibidad.
Samtang, iya usab giklaro nga ang mamahimong benepisyaryo lamang sa maong proyekto mao lamang kadtong nalakip sa target beneficiaries nga mao ang mga swine breeding technician ug ang mga mag-uuma.
Facebook Comments
