Nagmando si Surallah Mayor Antonio Bendita sa Municipal Social Welfare and Development Office sini nga maghatag sang P5,000.00 nga financial assistance sa mga biktima sang sunog sa merkado publiko sang banwa.
Kuhaon naman ang pondo sa Assistance to Individual and Crisis Situition ukon AICS sang lgu matapos nga indi pa sila pwede makakuha sa disaster funds base sa resulta sang ginpatigayon nila nga pagsinapol sang Lunes nga adlaw, suno kay Surallah MDRRM Action Officer Leonardo Ballon.
Apang paklaro ni Ballon nga ang unahon sa hatagan sang ayuda ang mga lehitimo nga mga stall owners kag magasunod naman ang iban pa nga apektado kapareho sang mga nagrenta sa tag-iya sang pwesto.
Sa subong base sa ila datos suno kay Sir Ballon yara sa 47 ka mga vendors ang apektado sang sunog.
Samtang suno kay MDRRM Action Officer Ballon may area na sila nga naidentify nga sarang makadisplay sang ila balaligya ang mga vendors nga apektado sang sunog.
May-angot sini, sa tion nga maplastar na ang structures makadisplay na subong nga semana ang mga vendors.
